Two friends watering plants on a sunny day (c) TommasoT
Gerddi'r Coroni
Dewch o hyd i'n holl adnoddau am ddim ni a help ymaCroeso!
Os ydych chi'n ddechreuwr neu'n arddwr profiadol, yn unigolyn, yn grŵp, yn ysgol neu'n fusnes; os oes gennych chi ardd enfawr neu falconi; os ydych chi'n newydd sbon i dyfu neu wedi bod yn garddio ers blynyddoedd - mae gennym ni ysbrydoliaeth a chyngor i chi. Edrychwch ar yr adran Dechrau Arni am yr holl awgrymiadau a chynghorion defnyddiol i'ch rhoi chi ar ben ffordd i dyfu, ac os ydych chi eisiau gwybod beth i'w wneud gyda'ch cynnyrch, fe allwch chi ddarganfod ryseitiau tymhorol misol yma.
Roedd prosiect Gerddi'r Coroni ar gyfer Bwyd a Natur yn brosiect a gyllidwyd gan Gronfa Dreftadaeth y Loteri Genedlaethol ac a gafodd ei weithredu rhwng 2023 a 2025 i annog mwy o bobl i dyfu bwyd mewn ffordd sy'n gyfeillgar i fywyd gwyllt. Roedd yn bartneriaeth rhwng yr Ymddiriedolaethau Natur, Garden Organic, Incredible Edible a Sefydliad y Merched. Dysgwch fwy am hynny ar ein tudalen Amdanom Ni.
A Barlow/RSWT
Gofod bach, effaith fawr
Cofiwch gael ein canllaw am ddim ni i dyfu bwyd sy'n gyfeillgar i fywyd gwyllt mewn gofod bach
Copyright Damers First School, Dorset 2024
Troi bysedd bach yn wyrdd
Lawrlwythwch y pecyn am ddim yma ar gyfer ysgolion, gan gynnwys calendr plannu ar gyfer y tymor ysgol, geirfa, cyllidebau a llond gwlad o syniadau ac ysbrydoliaeth
Penny Dixie
Lucie Wilson
Ryseitiau tymhorol drwy gydol y flwyddyn
Dewch o hyd i rywbeth i’w goginio ar gyfer pob mis o'r flwyddyn
Ydych chi'n ffafrio derbyn eich gwybodaeth ar ffurf fideo? Edrychwch ar ein rhestr chwarae ni ar YouTube! Dysgwch bopeth am wrtaith cyfardwf a biniau pryfed genwair gan y Master Composters a chael eich ysbrydoli gan y straeon o grwpiau cymunedol ledled y DU.
Pum nodwedd Gardd y Coroni ar gyfer bwyd a natur
Rydyn ni wedi nodi pum cam allweddol i greu gardd sy'n wych i chi ac i fywyd gwyllt. Os hoffech chi gymryd rhan, dyma'r pethau sydd angen i chi eu gwneud:
1. Tyfu bwyd iach i’w fwyta – gallai hyn amrywio o berlysiau a salad, i lysiau a choed ffrwythau yn dibynnu ar y gofod sydd gennych chi.
2. Blodau sy’n gyfeillgar i bryfed peillio – mae angen ffynonellau o neithdar a phaill ar löynnod byw, gwyfynod, gwenyn a phryfed hofran i ffynnu. Wrth iddyn nhw deithio o flodyn i flodyn, maen nhw hefyd yn eu peillio, gan alluogi planhigion i fwrw had neu ddwyn ffrwyth.
3. Ewch ati i greu nodwedd dŵr - gallai fod mor syml â gosod dysgl o dan ddŵr neu ymwneud â chloddio pwll, ei leinio a rhoi ocsigen ynddo gan ddefnyddio planhigion brodorol fel cornllys.
4. Gadewch ddarn o laswellt tal neu bentwr o foncyffion - mae’r cam cynnal a chadw lefel isel yma’n ffordd berffaith o greu lloches i fywyd gwyllt, gan gynnwys ysglyfaethwyr naturiol fel draenogod a brogaod.
5. Peidiwch â defnyddio cemegau na mawn – osgowch ddefnyddio plaladdwyr, chwynladdwyr na mawn!
Nifer y gerddi, y bocsys ffenest a’r balconïau sy’n blodeuo...
Layers
Arit Anderson (c) Julian Winslow